InterpretaciÜn Cursos Tecnicas Teatrales Cursos de Verano Talleres Infantiles Seminarios
Prestakuntza ::
Formacion

Arte dramatikoko ikasketak
Arte Dramatikoko ikasketak, interpretazio espezialitatean, NAEko jarduera nagusia dira prestakuntza arloan eta ikasketa horiek etorkizunean aktore izateko bertan sartzen direnei prestakuntza osoa emateko diseinaturik daude.

Alor honetan ari gara lanean 1986tik eta Nafarroako interpretazio eskola nagusia izatea lortu dugu; gainera, estatuko eskolen artean ezinbesteko erreferente izatea lortu dugu.
Antzerki tekniken ikastaroak

Ikastaro hauek modu ez profesionalean antzerkigintzara hurbildu edo antzerki tekniketan (interpretazioa, ahots teknika, gorputz-adierazpena etab.) hasi nahi duten gazte eta helduei zuzendurik daude.
Udako ikastaroak

Udan ikastaro intentsiboak antolatzen ditugu eta irakasle aditu eta izen handikoek eskaintzen dituzte; ikastaro horien helburua aktoreen eta antzerkiko profesionalen prestakuntza osatzea da, teknika jakin batzuk ikasteko aukera edo beste diziplina batzuekin (zuzendaritza, dramaturgia etab.) harremanetan hasteko aukera emanez.

Haurrentzako tailerrak

Urtero joko dramatikoen tailerrak eskaintzen ditugu 4 urtetik gorako haurrentzat, antzerkiarekin jokoaren bidezko harremana errazteko eta haurren adierazpen gaitasunaren inguruan oro har lan egiteko.

NAEko irakasle talde batek joko dramatiko eta txotxongiloen bidezko dramatizazio tailerrak eskaintzen ditu haurren eskola ordutegian, Iruñeko ikastetxeetan lehenengo eta bosgarren mailetako ikasleentzat, gaztelaniaz eta euskaraz; tailer horiek Iruñeko Udaleko Hezkuntza Zuzendaritzaren babesa jasotzen dute. Antzeko tailerrak egiten dira Nafarroako beste ikastetxe batzuetan, Barañaingo, Uharteko, Baztango eta beste herritako udalen bitartez.

Ikerketa jardunaldiak

Ikasturte guztietan gogoeta egiteko eta eztabaidarako jardunaldiak antolatzen dira, antzerkiaren hainbat alderdiri buruz; jardunaldi horietan gaian aditu diren hizlariak izaten ohi dira.