Nafarroako Antzerki Eskolak Arte Dramatikoko ikasketetako
interpretazio espezialitateko hiru mailak eskaintzen ditu. Ikasketa
plan horrek NAEk antzerkiarekin eta Nafarroako gizartearekin
duen konpromiso artistiko, kultural eta sozialaren ondorio da.
Prestakuntzaren arloan gure jarduera nagusia da.
Eskolak NAEren lokaletan ematen dira, Iruñean, eta
Nabarrerian kultur zentroan ere bai; azkeneko leku hori Iruñeko
Udalak utzitakoa da.
Eskaintzen den prestakuntza LOGSEk ezartzen zuenaren arabera
arautua eta hiru ikasturtetan antolaturik dago; ikastalde bakoitzean
12 ikasle baino gutxiago dago.
