NAEk mintegiak, zikloak eta hitzaldiak bultzatzen ditu, prestakuntzaren
eta ikerketaren alorrean.
Ildo
horretan garatzen da “Otras miradas, otras escenas”
zikloa, Gayarre Antzokiarekin elkarlanean antolatutakoa; ziklo
hori 2003. urtetik antolatzen ari da apiril eta maiatzean. Urteroko
zikloa da eta gai orokor baten inguruko hitzaldiek eta emanaldiek
osatzen dute (2004an gaia zuzendariaren eta aktorearen arteko
harremana izan da). Ziklo horren helburua gaur egungo antzerki
moduei buruzko ikerketa eta gogoeta egiteko gunea sortzea da,
gaur egungo ikuskizunak hedatuz lagundurik.
