Egile bakoitzak, gehienez ere, hiru testu aurkezten ahal ditu, gaztelaniaz edo euskaraz idatziak, ondoko baldintzekin bat:
-Jatorrizkoak eta argitaragabeak izatea.
-Beste edozein lehiaketatan saririk jaso ez izana.
-Antzezlana inongo konpainiak -profesionala izanda ala izan gabe- aurkeztu ez izana.
-Antzezlanak haurrendako direnek iraun ohi duten besteko iraupena izan behar du.

Lanen hiruna ale igorri behar dira, lerro artean tarte bikoitza utzirik, gutunazal itxi batean eta lanaren beste kopia bat erantsiko da euskarri informatikoan. Gutunazalean izengoitia paratuko da, bai eta Haurrendako Antzerki Testuen XVII. Lehiaketa testua ere. Lanak ondoko helbidera bidali behar dira, 2008ko maiatzaren 16an baino lehen: Nafarroako Antzerki Eskola, San Agustin kalea-5, 31001 Iruña Aipatutako gutunazalaren barruan beste gutunazal itxi bat sartuko da, eta bertan ondoko datuak:
-Egilearen curriculum laburra eta, horren goiko aldean, izen-deiturak, helbidea eta telefonoa.
-NANen edo pasaportearen fotokopia.
-Aitorpen idatzia, non adieraziko baita aurkeztutako lana jatorrizkoa eta argitaratu zein estreinatu gabea dela, eta ez duela inongo lehiaketatan sarririk jaso. Halaber, egileak berariaz aitortuko du deialdiaren oinarriak ezagutu eta onartzen dituela.Gutunazal horren kanpoko aldean lana aurkezteko zein izengoiti erabili eta hori bera idatzi behar da.

Epaimahaia Nafarroako Antzerki Eskolak izendatuko du. Hori hiru pertsonak osatuko dute kategoria bakoitzeko, hau da, hiru gaztelaniazkoan, eta beste hiru, euskarazkoan.

Hainbat irizpide finkatu dira, saritu beharreko testuak aukeratzeko: kalitate literarioa, sormena, originaltasuna eta lana taularatzeko modukoa izatea. Epaimahaiaren epaia apelaezina izanen da, eta 2008ko ekainaren bigarren hamabostaldian emanen da jakitera. Saririk jaso ez duten egileek lanak itzultzeko eskatzen ahalko diote Nafarroako Antzerki Eskolari, 2008ko abuztuaren 1etik 31ra bitarte. Behin epe hori iraganda, jatorrizkoak deuseztatuko dira.

Saritutako lana urtebetez geldituko da Nafarroako Antzerki Eskolaren esku, hura argitaratu edota antzezteko. Hortik aurrera, egileak erabili ahal izanen du lan hori, betiere, sariaren izena eta hori eman dion erakundea honela aipatzen baditu: “Haurrendako Antzerki Testuen XVI. Lehiaketaren saria, Iruñeko Udalaren Kulturako Alorrak emana”.

Kategoria bakoitzean 2.200 euroko sari bana ezarri da –bat gaztelaniaz, eta beste bat euskaraz- Iruñeko Udalaren Kulturako Alorrak emanda, kopuru horri aplikagarriak diren zerga –arauak betez atxiki beharrekoa deskontatuko zaiolarik.

Lehiaketa honetan parte hartzeak berekin dakar oinarri hauei guztiei men egitea.